Maaniipputit

> Saqqaa

Qaleralinniarneq pillugu paasititsiniaaneq

Matumuuna Kalallit Nunaanni Aalisartut Piniartullu Katuffiata KNAPK-p ilaasortani immikkoortortaqarfiit qaleraleqarfinneersut sinnerlugit Naalakkersuisunut nalunaarutigissavaa qaleralik pillugu inuiaqatigiinnut ussassaarutitut illuinnaasiortumik paasisitsiniutigineqartoq akuersaarsinnaanagu.

Siullermik KNAPK-mi isumaqarluinnarpugut inuiaqatigiit ulluinnarni inuuniarnikkut inuussutissarsiornikkullu sunniuteqartumik atugaannik allannguniartoqatillugu susassaqaqatigiit paaseqatigalugit suleqatigalugillu qulaani pineqartutut aaqqissuussinerit ingerlanneqartariaqartut. KNAPK-milu isumaqarpugut apeqqutit taamaattut pineqartillugit innuttaasut atuisullu oqartussaaqataanerat avaqqunneqarsinnaanngitsoq.

KNAPK-miit aalisartut sinnerlugit erseqqissaatigissavarput qaleralinniarluni aalisarnermi inatsisitigut malitassaritaasut ataqqilluinnarlugit aalisartut aalisarmata, pingaartumilu qalerallit tunisassiarineqarneranni angissusissaannik inatsisigut aaliangersaaneq aalisartut ataqqilluinnarmassuk. Tamatumani Naalakkersuisunut innersuussutigaarput Aalisarnermi saniatigut pisat pillugit Namminersorlutik Oqartussat nalunaarutaanni nr. 28, 11. december 2008-meersumi §3.-mi allassimasoq: ”Mikinerpaaffissatut uuttuut (sigguata nuuaniit paperuata nuuanut uuttortarneqartoq)..qaleralinnut 42 cm-eriulluni..”

Sinnera atuaruk...

KNAPK pisortartaarpoq

: Petrus Biilmann

Kalaallit Nunaanni Aalisartut Piniartullu Kattuffiat KNAPK piffissami november-imiit januar-i ilanngullugu pisortaqanngereerluni februar-ip 1-ani 2012 pisortartaarpoq.

KNAPK-mi Ulluinnarni Aqutsisut januarimi ataatsimiinnerminni aalajangerput Petrus H. Biilmann Nuummeersoq KNAPK-mi pisortatut atorfinitsinneqassasoq. Petrus H. Biilmann 1954-mi Maniitsumi inuuvoq, nuliaraa Charlotte J. Biilmann, pingasunillu meeraqarlutik.

1975-mi naammassisaminik Ikast Handelsskolemi HXR ingerlassimavaa. Maniitsumi Niuertussatut allaffimmi sulivoq 1979-imi Nuummi Handelsinspektorat-imi umiarsuarsuit sinerissami angalanerinut pilersaarusiortartutut Ilanngaaserisutullu sulilernissami tungaanut. 1982-miit 1984-ip qeqqata tungaanut Sisimiuni Niuertussaanertut umiarsualiviup allaffeqarfiani sulivoq.

Petrusi 1984-imiilli aalisarnermut tunngasunik ataavartumik suliaqalerpoq, tassa Nuuk Trawl A/S-ip pisortatut aqutsisoraa Sisimiuni 1992-ip qeqqata tungaanut, Namminersornerullutik Oqartussat Aalisarnermut Pisortaqarfiani allaffimmi pisortanngornissami tungaanut. 1997-imiit 1999 ilanngullugu Avataasiutit Piginneqatigiiffiisa Kattuffiani APK-mi pisortaavoq. 2000-imiilli Polar Seafood A/S-ip ataani ingerlatsivinni ilaatigut pisortaalluni, kiisalu sinerissamut qanittumi aalisartunut tunitsivinnullu piginnittut sinnerlugu sullissisuulluni.

Taamaattumik KNAPK-p iluani suliassat maanna akisussaaffigilikkani qanimut aamma ilisimaarilluarlugit. November-ip 1-aniit februar-ip 1-ata tungaanut Kattuffimmi ineriartortitsinermut siunnersortitut atorfeqarpoq.

KNAPK-mi Siulersuisuunerit sulisullu Petrus H. Biilmann allaffeqarfimmut tikilluaqquaat suleqatigilluarnissaalu qilanaaralugu.

7. februar 2012 EU-mi KNAPK-p puisit amii pillugit tusarniaanermi oqalugiaataa

Angutit arnallu, EuropaParlamentimi ilaasortat ataqqinartut

Erseqqissassavara Issittumi puisinniarneq kultur-iullunilu inuussutissarsiutaammat

Puisinik inuussutissarsiorneq amiinillu tunissassiorneq nungusaataanngitsumik atuinermik tunngaveqartoq nunarput tamakkerlugu, pingaartumillu Isorliunerusuni inuiaqatigiinnik suliffissaqartitsitsuuvoq ulluinnarni piniartut inuuniarnerminni atugaasigut aningaasatigullu isertitaqarnerannut qaffassaataasumik inissisimasoq.

EU-mut puisit amiinik eqqusseqqusinnginneq maleruagassanik unioqqutitsineruvoq

Kalaallinut Nunaaanni Aalisartut Piniartullu Kattuffiat, KNAPK isumaqarpoq EU-p Europamut puisit amiinik eqqusseqqusinnginnera nunarsuarmi nunat niivermut kattuffianni WTO-mi tunngaviusumik maleruagassanik unioqqutitsinerusoq, ukuusunik:

Ulluinnarni atukkat aningaasarsiatigullu isertitat qaffassarnissaannut tunngatillugu
Suliffissaqartitsinerup annertusarnissaanut tunngatillugu
Nunarsuarmi tamakkiisumik pisuussutinik atorluaanissamut tunngatillugu
Aammalu nunat ineriartortut Kalaallit Nunaattut inissisimasut nunat tamalaat akornanni niivernikkut ineriartornermi peqataanerunissaannut tapersersornissannullu tunngatillugu

Sinnera atuaruk...

Issittumi puisinniarneq kultur-iullunilu inuussutissarsiutaavoq

EU-mut puisit amiinik eqqusseqqusinnginneq maleruagassanik unioqqutitsineruvoq

KNAPK isumaqarpoq EU-p Europamut puisit amiinik eqqusseqqusinnginnera nunarsuarmi nunat niivermut kattuffianni WTO-mi tunngaviusumik maleruagassanik unioqqutitsinerusoq, ukuusunik:

Ulluinnarni atukkat aningaasarsiatigullu isertitat qaffassarnissaannut tunngatillugu
Suliffissaqartitsinerup annertusarnissaanut tunngatillugu
Nunarsuarmi tamakkiisumik pisuussutinik atorluaanissamut tunngatillugu
Aammalu nunat ineriartortut Kalaallit Nunaattut inissisimasut nunat tamalaat akornanni niivernikkut ineriartornermi peqataanerunissaannut tapersersornissannullu tunngatillugu

KNAPK isumaqarpoq EU-p puisit amiinik Europamut eqquseqqusiunnaarnerata kingunerisaanik nunarsuaq tamakkerlugu puisit amiinik niiveruteqarneq sequmivinneqarsimasoq. Tamatumalu kingunerisaanik inuiaat europa-miut puisit amiinik niivernikkut nunarsuarmiunut pinngitsaaliissummik taaneqarsinaasumik pilersitsineratigut Issittumi puisinik aallaaveqartumik inuussutissarsiuteqarnerup inuiattullu kultur-eqarnerup aallaat nungutitaanissaanut navianartorsiornermik aamma kinguneqartoq.

KNAPK-lu isumaqarpoq EU-p Europa-mut puisit amiinik eqqussequsiunnaarnerata kingunerisaanik Nunat Inoqqaavisa Pisinnaatitaaffii Pillugit Naalagaaffiit Peqatigiit Nalunaarutaat unioqqutinneqartoq.

Tamaat atuaruk...

Angallammi suliffimmik nalilersuisarnerup APV-p suliarineqartarnerani periuseq nutaaq

Aalisarnermi suut ulorianartuuppat? Ajutoorfiusinnaasoq sunaava? Pissutsit tamakku suliffimmik nalilersuisarnermik taaneqartartumi aalisariutini tamani allaaserineqassapput.

Suliffimmik nalilersuineq maannamut uppernarsaataavoq immersorneqartussaq ringbindimiitillugulu angallammiitinneqartussaq, taamaaliortoqaannartussaavorli, taamaalilluni angallammiittunit tamanit pissarsiarineqarsinnaassalluni.

Maannakkulli APV qarasaasiaq atorlugu suliaqarpallaarani nutarterneqarsinnaalerpoq, allannerlu naammassippat qarasaasiami pissarsiarineqaqattaarsinnaavoq. Tassami ajutoorfiusinnaasunik nalilersuineq maannakkut elektroniskinngorlugit pissarsiarineqarsinnaalerpoq.

Sinnera atuaruk imaluunniit isissutissannik piniarit uani

Piniartut nannunit misiligutissanik katersisassapput

Nannunniat 2012-imi januaarip ulluisa aallaqqaataaniit nannuttamik oqaanit kigutaanillu misiligutissanik tigusisalernissaat Naalakkersuisunut ilaasortap Ane Hansenip aalajangerpaa. Misiligutissat nanoqatigiinnik (pissuseqatigiinnik) Canadamik Nunavummilu avitseqatigiissutitsinnut tunngasumik isumaqatigiissimaneq aallaavigalugu nannunniarnerup aqunneqarnissaanut malitsitsiniaanermut pingaarutilerujussuupput. Tamatumani siunissami nanoqatigiinnik piujuaannartitsinissaq nungusaataanngitsumillu piniarneqarnissaasa qulakkeerneqarnissaat siunertarineqarpoq.

Kigutaanit tiguneqartukkut takuneqarsinnaassaaq nannup utoqqaassusia aammalu nanoqatigiiaat agguaqatigiissillugu ukiukkuutaartumik “peqqissusiat” takuneqarsinnaassalluni. Oqqamit misiligutit DNA-vi misissueqqissaariffigineqassapput, taamaalillutik nanoqatigiikkuutaat qanoq imminnut attuumassuteqarnersut ilisimatusartut paasisinnaaniassammassuk. Misiligutit Baffinip Kangerliumanersuani Kane Basinimilu nannut, Nunavummik avitseqatigiiffigisatta amerlassusilerniarneqarneranni nalilersuinermut iluaqutaassapput.

Sinnera atuaruk...

Akinik qulaajaaneq saqqummiunneqarpoq 24. juni 2011

Akit pillugit qulaajaanermit nalunaarutip saqqummiunneqarneranut tamassi tikilluaritsi.

Nuannaarutigaara KNAPK-mi ilaasortat akiligaannik nalunaarummik ullumikkut saqqummiinissaq piviusunngorsinnaammat, neriutigaaralu paasisat suleqatigisavut ingammik naalakkersuisut peqatigalugit pissutsit atuuttut suli paasisaqarnerulerneq tunngavigalugu iliuusissat pisariaqartut pinasuarnerusumik paaseqatigiiffiusumillu siunnersuusiorfigineqarsinnaajumaartut.

Pingaarnerpaarli tunngavik tassavoq qanoruna iliorluta aalisakkat qaleruallilluunniit imartatsinniit qaqitatta nalingata annerpaartaa siullertut aalisartumut tulliattullu tunisassiortumut inuiaqatigiinnullu iluaqutaanerulernissaa iluanaarutaanerulernissaalu qulakkeersinnaassagipput.

Tamatumani KNAPK kisimiilluni iliuuseqarsinnaanngilaq. Aningaasarsiornikkut kiffaanngissuseqalernissarput tamatta anguniarlugu immitsinnut napatissinnaalernissarput aqqutissiuutissagutsigu – matumani pioreersut atukkavut tunngavigalugit – taava qaninnerpaamik suleqatigiittariaqartut tassaapput aalisartut, tunisassiortut kiisalu naalakkersuinermik suliaqartut.

Misissuinermi qulaajakkanik uani qimerloorsinnaavatit

NunaGIS

Nittartakkami www.nunagis.gl -imi pisuussutit uumassusillit pillugit paasissutissarpassuit. Piniariarfiit sumiinneri, tuttut GPS-imik qungasequtilikkat sumiinneri.

Nittartakkamut iseruit "Pisuussutit uumassusillit" toorukku periarfissaqassaatit suut paasissutissat takuniarnerlugit.