KL
DA
EN

KNAPK: Qaleqaleqarfiit tamarmik 10.000 tonsinik qaleralittassinneqassapput

KNAPK politikerit isummernissaannut tunngavissiornerminni pisassiissutit annertussusilerneqarnissaannut ima inassuteqaateqarpoq. Aqutsiveqarfik Upernavik 10.000 tons, aqutsiveqarfik Uummannaq 10.000 tons aamma aqutsiveqarfik Qeqertarsuup Tunua 10.000 tonsit.

KNAPK taama pisassiissuteqartoqarnissaanik inassuteqarnermini tungavigaa aqutsiveqarfinni pineqartuni qaleraleqassutsit aalisartut namminneq takusinnaallugillu maluginiagaat malillugit aatsaat taama qaleraleqartigilermat, KNAPK-p siulersuisuunerisa 2013- mi nalunaarutaanni tamanna atuarneqarsinnaavoq.

Bilogit aqutsiveqarfinni Upernavik aamma Uummannap sulluani qaleraqassutsimik missuisannginneri tamanit naluneqanngillat, taamaallaalli ukiup siuliani pisaasimasut tulaassat allattorsimaffiinik misissuinermikkut tulaassat angitigisimaneri tunngavigalugit pisuussutit qanoq annertutiginerinik eqqoriaasarlutik.

Ukioq kingulleq Upernavip eqqaani aamma Uummannap sulluani biologit aatsaat takkutillattaalerput umiarsuartaartik Sanna takutikkiartuutigalugu, KNAPK-ip siulersuuneri allapput.

Qeqertarsuup Tunua
Qeqertarsuup Tunuani peqassutsimut misissuinerit amigarluinnartutut aalisartunit maluginiarneqartarpoq nalilerneqartarlunilu. Qaleraleqassuseq malunnartorsuarmik pitsanngoriarsimasoq aalisarnikkut takuneqarsinnaasarmat, KNAPK-p siulersuisuunerit nalunaarput.

Uummannami, 6.800 tonsillu Upernavimmi. Qeqertarsuup Tunuani 8.300 tonsit ukioq manna pisassiissutaapput, 6.300 tonsit

2013-mi kapisilinniarnerup aallartinnissaa

Aalisarnermut, Piniarnermut Nunalerinermullu Naalakkersuisoqarfik matumuuna nalunaaruteqassaaq KNAPK-mi isumaqatigiissut malillugu kapisilinniarnissaq pingasunngornermi 1. august 2013 ammaanneqassammat unitsinneqassalluni pingasunngornermi 31. oktober 2013. Kapisilinniarneq piffissami tassani aalajangersimasumi taamaallaat ingerlanneqassaaq.

 

Ukiuni siuliinni piumasaqaataasimasut assigalugit 2013-imi kapisilinniarneq ingerlanneqassaaq, tassalu nammineq atugassanik, inuussutissarsiutigalugulu aalisartut kalaalimineerniarfinnut, napparsimavinnut, akunnittarfinnut, neriniartarfinnut il.il tuniniaasinnaanngorlugit aalisarneq 2013-mi ingerlanneqassaaq. Ukiup siulia assigalugu tunisassiorfinnut 35 tons-inik tunisisoqarsinnaannissaa aalajangiunneqarportaaq. Kapisiliiniarneq nunatsinni namminermi tuniniarneqartussaanarnik ingerlatsiviussaaq, taamaasillunilu nunatta avataanut tunisassiortoqarsinnaasanani. 

 

Pisanik tuniserusuttoqassaguni pisariaqarpoq kapisilinniarnissamut akuersissummik peqarnissaq. Kommunemut saaffiginninnikkut tassunga aalisarnissamut akuersissummik qinnuteqaat immersugassaq pineqarsinnaavoq. Immersugassaq immersorneqareerpat kommunip Aalisarnermut, Piniarnermut Nunalerinermullu Naalakkersuisoqarfimmut nassiutissavaa, tamatumalu kingorna qinnuteqartumut akuersissut nassiunneqassaaq. Kapisilinnut aalisarnissamut akuersissummut tunngatillugu akiliuteqartoqassanngilaq.

 

Nammineq atugassatut aammalu tunisassatut pisat tamarmik, tassalu kapisillit tunineqarsimasut tamarmik  Kalaallit Nunaanni Aalisarsinnaanissamut Akuersissutinik Nakkutilliisoqarfimmut nalunaarutigineqassapput. Nalunaaruteqartarnermut immersugassaq nutartigaasoq ullutsinnut naleqqussagaq akuersissummut ilanngullu nassiunneqassaaq. Immersugassaq ukunani pissarsiarineqarsinnaavoq: http://dk.vintage.nanoq.gl/Emner/Erhverv/Erhvervsomraader/Fiskeri/Fiskeriafdelingen/~/media/nanoq/DFFL/Departementet/Lovgivning/Bekendtgoerelser/Fiskeri/FINAL_%20bilag%20_bekendtgørelse%20om%20fiskeri%20efter%20laks.ashx

 

Kapisilinniarneq pillugu aalajangersakkat erseqqinnerusut Kapisilinniarneq pillugu Namminersorlutik Oqartussat nalunaarutaanni nr. 12-imi august 2012-meersumi takuneqarsinnaapput. Annertunerusumik paasisaqarusuttoqaruni Kristina Guldbæk, tlf. 34 53 29.-mut sinaerluni saaffiginninnikkut pissarsiarineqarsinnaapput.

To top