KL
DA
EN

Qalerallit immikkut 700 tonsit Qeq-Tun pisassiissutigineqassapput

Aqutsiveqarfinni Uummannami Upernavimmilu immikkut 1.000 tonsinik aamma qaleralittassiisoqassaaq. Tonsit pineqartut sumiiffiit umiatsiaarartortaasa aalisassavaat.

Qeqertarsuup Tunuani immikkut pisassiisutigineqartussat misileraatitut aalisarneqassapput.

Naalakkersuisut Karl Lyberthimit immikkut qaleralittassissutigineqartussatut siunnersuutigineqartut aggustip 29-anni isummerfigissavaat, akuerineqarpata septembarip aallaqqaataanit aalisarneqalersinnaassallutik.

- Naatsorsuutigaara Naalakkersuisunit akuerineqarumaartut, Naalakkersuisuni ilaasortaq Karl Lyberth Qalorsamut oqarpoq.

Siunnersuut akuerneqarpat aqutsiveqarfinni Qeqertarsuup Tunuani Uummannamilu umitsiaararsortut 506-it aalisaqqisinnaalissapput.

Qeqertarsuup Tunuani umitsiaararsortut 278-it qaleralinnik kingullermik aggustip aallaqqaatani tunisipput, Uummannami umiatsiaararsortut 228-it aggustip 14-anni.

Kalaallit Nunaanni Aalisarsinnaanermut Nakkutilliisoqarfik Qalorsamut ippassaq ilisimatitsivoq aqutsiveqarfimmi Upernavimmi umiatsiaararsortunut qaleralittasiissutit septembarip aallartissimalernerani nungunnissaat ilimagalugu.

To top