Aalisartunut Piniartunullu Siunnersuisarfik

Siunnersortit marluusut nunarput tamakkerlugu aalisartunut piniartunullu siunnersortaapput.

Siunnersortit Namminersorlutik Oqartussanit aningaasalersorneqarput aalisartunullu piniartunullu tamanut, peqatigiiffinnut kattuffinnulluunniit ilaasortaanerat apeqqutaatinnagu siunnersuisussaallutik.

Siunnersorteqarfik Januarip aallaqqaataani ukioq 2004-mi aallartippoq.

Siunnersorteqarfiup pilersinneqarneratigut siunertaavoq siunnersuisarneq aqqutigalugu aalisarnermik piniarnermillu inuussutissarsiuteqartut piginnaasaasa inerisarneqarnissaat. 

Siunnersuisarfik Inatsisartut aningaasanut inatsisaatigut ukiumoortumik aningaasalersorneqarpoq anguniagassat pillugit isumaqatigiissusiorluni siunnersortit suliassaat isumaqatigiissutigineqartarput.

Siunnersorteqarfimmi siunnersortitut atorfeqartut marluupput.

Angallatinut teknikimullu siunnersorti

Angallatinut Teknikkimullu siunnersortip suliassasa ilagaat aalisartut piniartullu angalataannut teknikkikkut atortunik siunnersuineq, angallatitaarnianut aqqutissanik siunnersuineq, qulaani pineqartunut pisortanut qinnuteqaatigineqartunik siunnersuineq, maskinanut tunngasunik siunnersuineq, qamutillit arfanniutit pillugit siunnersuineq.

Siunnersortit marluusut suliassaqarfii erseqqinnerusumik paasisaqarfigerusukkaanni  Siunnersuisarfimmut toqqaannartumik saaffiginninnikkut ersarinnerusumik paasiniaasoqarsinnaavoq. 

Nalunaarsuutit