KNAPK-p aaqqissugaanera

Ataatsimeersuarneq oqartussaaffiuvoq qullerpaaq, ukiut sisamakkaarlugit pisartoq. Ataatsimeersuarnermi Siulersuisuunernut ilaasortat marluk, Siulittaasoq Siulittaasullu tullia qinerneqartarput.

Ulluinnarni Aqutsisut tassaapput Siulersuisuunerni Siulittaasoq, Siulittaasup Tullia Siulersuisuunernilu ilaasortat allat marluk, katillutik inuit sisamat.

Allattoqarfimmi sulisut tassaapput Pisortaq, Pisortap tullia/aningaasaqarnermut siunnersorti, Aningaaserisoq aamma Uumassusileritooq/avatangiisinut siunnersorti.

Sinerissami immikkoortortaqarfiit imaluunniit peqatigiiffiit maanna 66-iupput. Aalisartut piniartullu tunisaasa procenteerutaasa ilaat peqatigiiffinnut utertarput, taakkulu peqatigiiffiit namminneq aalajangertarpaat qanoq atorneqassanersut.

Siunnersuisoqatigiit maanna arfinilliupput. Imaani Nunamilu Piniarnermut Siunnersuisoqatigiit, Qaleralinniarneq pillugu Siunnersuisoqatigiit, Aalisakkat allat pillugit Siunnersuisoqatigiit, Raajarniarneq pillugu Siunnersuisoqatigiit, Saattuarniarneq pillugu Siunnersuisoqatigiit, Ikerinnarsorluni natersiorlunilu aalisarnermik Siunersuisooqatigiit. Siunnersuisoqatigiit siulittaasui Siulersuisuunerni ilaasortaapput.