KL
DA
EN

Inatsisartunut qinersineq 2013

Matumuuna Kalaallit Nunaanni Aalisartut Piniartullu Kattuffiat Siulersuisuunerillu sinnerlugit Inatsisartunut qinigaasut tamaasa aammalu partiip Siumut qinersinermi angusarissaarluarneranut, kiisalu partii nutaap inatsisartunut iserneranut uummammik pisumik pilluaqquvakka.

Ukiuni kingullerni sinerissap qanittuani imaatigut inuusssutissarsiornermi pissutsit ataatsimut isigalugit imaannaasimanngillat. Sineriassuarmilu annertuumi aalisartut piniartullu atukkamikkut ajornartorsiornerat ersarippoq naak piffiit ilaanni pingaartumik qalerallit akii eqqarsaatigalugit ilorraap tungaanut saariartoqarsimagaluartoq.

KNAPK-miit  neriuutigilluinnarparput pingaartumik Nunattta imartaani aalisakkat, piniakkallu takussaaleraluttuinnarfiisa - aammalu pinngortitap allanngoriartuinnartup - nalaanni, uumassusilinnut aqutsinermi aalisartut piniartullu ilisimasaasa maannamut annertunerusumik Nunatsinni Naalakkersuisunngortussaniit partiiniillu naliliiffigineqarluni pissusissamisut atuutsinneqarnissaa iluarsiivigineqarumaartoq.

Uumasorsiuut ukiorpassuarni atuisunut tassalu aalisartunut piniartunullu naqisimanninniar-palaartumik pissusilersortuartarnerat attattuaannarsinnaajunnaarparput, tassami uumasorsiuut oqartaraluarput - sinerissap qanittua tamarmi - aalisakkanik avataani suffinikunik pilersorneqartoq. Assersuutissaqqipporlu ukiorpassuarni aalisakkat assigiinngitsut aamma qalerallit uani pineqartut ilagisaat, tassalu sinerissap qanittuani ilumut suffisartut aatsaat maannakkut, Pinngortitaleriffimmiit Uumasorsiuut upperilerluta misissuiffigilermassuk.

Naalakkersuinikkut sutigut tamatigut sulinissinni ajunnginnerpaamik kissaallusi neriuutigaarput Aalisarnermut Piniarnermullu Naalakkersuisunngortussaq sinnerissap qanittuani aalisartut piniartullu illersorlugit sulilluarumaartoq.

KNAPK-miit suleqataalluarnissarput Naalakkersuisunngortussallu suleqatigilluarnissaat qularuti-ginngilluinnarparput.

Inussiarnersumik inuulluaqqusillunga

Kalaallit Nunaanni Aalisartut Piniartullu Kattuffiat

sinnerlugu

 

Leif Fontaine

Siulittaasoq