KL
DA
EN

Kalaallit Nunaanni Aalisartut Piniartullu Kattuffiat, KNAPK ataatsimeersuaatigaluni 60-liilluni nalliutorsiulerpoq.

KNAPK 10. - 11. juni 2013 Nuummi ileqquusumik ataatsimeersuassaaq, aammalu 12. juni 2013 kattuffittut atuunnermini ukiunik 60-inngortorsiorluni  nalliuttorsiussalluni.

KNAPK-p Siulersuisuunerisa ataatsimoorussamik siunnersuutigaat KNAPK-p kattuffittut aqunneqarnerani aqutseriaaseq ullutsinnut naleqqussarneqarluni ataatsimeersuarnermi eqqartorneqarluni aaliangersaa-vigineqassasoq.

Makkulu ilanngullugit eqqartorneqassapput:

  • Nunami aalisakkanik piniakkanillu tunitsiviit naleqqussarneqanissaasa aammalu sineriammi aalisakkanik panertitsiviit ikaat nappaatiteqinnissaasa suliniutiginissaa.
  •  Sinerissap qanittuani aalisariuteqarnikkut nutarsaanissamik anguniagaqarnissaq.
  • Silap Pinngortitallu allanngoriartorneranut tunngatillugu Issittup Avannaarsuata angallassuarnik angallavigineqannginnissaata aammalu aalisariussuarnik aalisarfigineqannginnissaata aaliangersaavigineqarnissaa anguniarneqassasoq.