KL
DA
EN

Kattuffiup Inatsisartut Aalisarnermut Inatsisaata allannguutissaanut tusarniu-tigineqartumut akissuteqaataa

Haluu tamassi – Ukiortaami pilluaritsi.

Matumuuna ilaasortanut tamanut nassiunneqarput, Kattuffiup Inatsisartut Aalisarnermut Inatsisaata allannguutissaanut tusarniutigineqartup, ilaasortanut tusarniutigereerlugu Siunner-suisoqatigiinnullu tusarniutigereerlugu akissuteqaataa.

Kiisalu Kattuffiup tusarniaanermut atatillugu qisuariaataa, taanalu Tusagassiutitigut Nalunaarutitut nassiunneqarluni.

Imarisai uani ilisimatitsinermi uterfiginngikkaluarlugit Kattuffiup Siulersuisuunerisa pingaartissimavaat;

  • Pisussuutit nalilersorneqarnerini pisassiisoqassatillugulu atuisut, tassalu aalisartut piniartullu Uumasorsiuut misissuinerinut peqataatinneqartalernissaata qulakkeerniarnera.
  • Aalisariutini kilisaatinilu inuttat namminersortunngorlutik aalisariutitaarnermikkut toqqaannartumik aalisartutut nalilerneqartalernissaannik qulakkeerinniniarneq. 
  • Aalisartut naleqartinnerulernissaat, tassa ukiut kingulliit marluk nunatsinni akileraartarsimanissaat kisiisa pinnagit, inuup isertitaasa minnerpaamik affai aalisartutut inuussutissarsiornermeernissaata qulakkeerniarnera.
  • Pisassiissutinit pisassat piginnittunut ataasiakkaanut eqiterussuussitinnginnissaat, toqqaannartumik imaluunniit toqqaannanngitsumik annerpaaffilernerisigut qulakkeerniarneqarneri. 
  • Aalisartut piniartullu tunitsivinni tunisassiorfinnilu piginneqataasinnaanerisa mat-tunniarneqarnerini sakkortuumik akerlilernerisigut piginneqataaginnarnissaannik qulakkeerniarneri.
  • Tunisassiorfiit namminneq alisariutitaartornermikkut annertusiartortumik aalisartut aalisagassaannik piginnittuuleriartornerisa unitsinneqarnissaannik qulakkeerinninniarneq.

Inatsisartut Aalisarnermut Inatsisaata Inatsisartunit upernaamut Inatsiartut aataatsimiinneranni atuutilersinneqarnissaa sioqqullugu aammaarluta KNAPK-miit peqataaffigissavarput, allannguutissatut siunnersuutigineqartut Fiskeriråd-imi eqqartoqqinnissaat.

Inussiarnersumik inuulluaqqusillunga

Kalaallit Nunaanni Aalisartut Piniartullu Kattuffiat

Petrus H. Biilmann

Pisortaaneq