KL
DA
EN

KNAPK-p Inatsisartut Aalisarnermut Inatsisaata allaannguutissaanut tusarniutigineqartumut qisuariaataa

KNAPK isumaqarpoq Inatsisip allannguutissaatut siunnersuutigineqartut tusarniutigineqartullu  tusagassiorfitsigut ajortuinnartut sammineqarnerat pissusissamisuunngitsoq, allannguu-tissatummi siunnersuutaasut aamma pitsaasortaqarmata.

Sulisitsisut aamma IA sinnerlugu Ane Hansen-ip oqaaseqarneri, ilaatigut tunitsivinnik matooraanissamik ilaqartut, KNAPK-miit eqqortuusorineqanngillat. Kattuffik isumaqanngilaq Inatsisip allanngortinneqarneratigut tunitsivinnik taamatullu sullivinnik matooraanernik kinguneqassasoq, uanimi pineqarmat sineriassorluni aalisarneq, imaanngilarmi avataani kilisaassuarnik piginnittuuneq allanngortinniarneqartoq.

Pisassanik agguaassisarnermi misilittakkat takutereerpaat raajarniarnermi qanoq kinguneqarsimasoq, ullumikkummi sinerissap qanittuani raajarniarnermi pisassiissutinit pisassanik piginnittut assaat tamakkerlugilluunniit inulerpaat. Qaleralinniat 900-nit amerlanerit piginnittuussutsip tungaasigut taamatut iluseqalissanngippata, pisariaqarluinnarpoq Aalisarnermut Inatsisip allanngortinnissaa.

Tusarniummi § 6a-mi siunnersuutigineqartoq; sineriassorluni aalisartoq naleqar-nerulersitsinermi, soorlu nioqqutissiorfimmi piginneqataasutut, mattunniarneqarnera Kattuffimmiit isumaqatiginngilarput. Halibut Greenland, KNT, Uummannaq Seafood aamma  Arsuk Food aalisartunit piginneqataaffigineqarput, taamalu unammilleqatigiinnermik qulakkeerisuullutik. Taamatut nunap inuiisa soorlu nioqqutissiornermi peqataasinnaanerat kattuffimmiit tapersersortariaqartutut isumaqarfigaarput.

Ullumikkut Inatsisitigut aalisartutut naatsorsuussaanngitsut, sineriassorluni aalisariutini kilisaatinilu inuttat, aalisartutut akuerineqarnissaat kattuffiup Inatsisissatut tusar-niutigineqartumut akissutitsinni pingaartillugu piumasarigatsigu oqaatigissavarput.

Inussiarnersumik inuulluaqqusillunga/ Med venlig hilsen

Kalaallit Nunaanni Aalisartut Piniartullu Kattuffiat

Sinnerlugu/pva

Leif Fontaine, Siulittaasup Tullia

Siulittaasuugallartoq

Mobil 55 11 34