KL
DA
EN

KNAPK Upernaviup pigisaani immikkoortortaqarfinnut angalavoq.

Piffissami 27.-31. august 2010 Kalaallit Nunaanni Aalisartut Piniartullu Kattuffiat, KNAPK, Upernaviup pigisaani immikkoortortaqarfinnut angalavoq.
Immikkoortortaqarfiit ilaasortat qulingiluaasut ataatsimeeqatigisarnerini aalisarnikkut piniarnik-kullu tunngasutigut oqariartuutit pingaarnerit saqqummiussuuneqartut makkuupput:

1. Aalisakkanik tunitsiveqarnerup siuarsarneqarnissaa
a. Qalerallit akiisa qaffannissaannik suliniuteqarnikkut
b. Qalerallit pillugit aqutsinerup naapertuuttunngorsarneqarneratigut
c. Aalisakkat allanik atorluaanikkut

Piniagassanut tunngasut pitsanngorsarneqarnissaat
a.  Qilalukkanut Nalunaarutip naleqqusaqqinneratigut
b.  Qilalugartassassiissutit, aaffattassiisutit nannuttassiisutillu amerlineqarnerisigut
c.  Timmissanut Nalunaarutip avannaani pissusiviusunut naapertuuttunngorsarneratigut
d.  Puisit amiinik tunitsiveqarnerup siuarsarnissaa aammalu puisit tamakkiisumik
atorluarnissaanik suliniuteqarnikkut

3.  Aalisariutinik sullissinerup siuarsarneqarnissaa
a. Amutsiveqarnerup pitsanngorsaavigineqarneratigut
b. Talittarfeqarnerup pitsanngorsaavigineqarneratigut
c. Teknikkut aalisariutit atortui pillugit sullissinerup qaffassarneqarneratigut

4. Ilisimatuussutsikkut misissuinerit pitsanngorsartariaqarput
a. Qaleraleqqassutsip aalisagaqassutsillu misissuiffineqarnissaa annertusartariaqarpoq
b. Upernaviup pigisaani Siggummilu umimmaqassuseq tuttoqassuserlu annertunerusumik        Pinngortitaleriffimmiit missiuiffigineqartariaqarpoq
c. Piniartut piniarfiini piniarnerisalu nalaanni piniakkanik nalunaaqutsersuinerit ingerlanneqassappata piniartut piniarnerat akornusersorneqassanngilaq.

Ikinngutinnersumik inuulluaqqusillunga

Leif Fontaine, KNAPK-mi siulittaasoq