KL
DA
EN

Iserfissaq

Isissutisamik pereersimaguit ugguuna isissaatit www.smsfagr.dk

RVM-imut isissutissamik piniarneq / Bestilling af login til RVM - Grønland

   

Angallammi suliffimmik nalilersuisarnerup APV-p suliarineqartarnerani periuseq nutaaq

Aalisarnermi suut ulorianartuuppat? Ajutoorfiusinnaasoq sunaava? Pissutsit tamakku suliffimmik nalilersuisarnermik taaneqartartumi aalisariutini tamani allaaserineqassapput.

Suliffimmik nalilersuineq maannamut uppernarsaataavoq immersorneqartussaq ringbindimiitillugulu angallammiitinneqartussaq, taamaaliortoqaannartussaavorli, taamaalilluni angallammiittunit tamanit pissarsiaqarsinnaassalluni.

Maannakkulli APV qarasaasiaq atorlugu suliaqarpallaarani nutarterneqarsinnaalerpoq, allannerlu naammassippat qarasaasiami pissarsiarineqaqattaarsinnaavoq. Tassami ajutoorfiusinnaasunik nalilersuineq maannakkut elektroniskinngorlugit pissarsiarineqarsinnaalerpoq.

APV maannakkut ajutoorfiusinnaasunik nutaamik elektroniskinngorlugu pissarsiarineqarsinnaavoq, aalisariutit tamarmik pissarsiarisinnaasaat. Periuseq aammattaaq pingasunik immikkoortoqarpoq, taakkulu atorlugit atorunnaarfii aammalu angallammi nakorsaatit piffissallu misissuiffiusussat, atortunik misissuinerit nakkutigineqarsinnaapput, aammattaaq inuttat pisinnaasaat akuersissutillu nutarternissaat aqunneqarsinnaavoq.

Programmimi, periuseq RVM-imik taaguuteqartumi, isissutissaq ilisarnaallu KNAPK-mut piniarneqarsinnaapput.

Malugeqqusaq:

Una APV-mut angallammi suliffiup nalilersorneqarnissaaanut ilanngunneq angallataatilimmut akeqarpoq, KNAPK-mi aalajangerneqarpoq APV-mut periutsimut ilanngunniaraanni (Oprettelsesgebyr) APV-mut pilersitsinermut 500,00 kruuninik akiliisoqartassasoq, aammalu saniatigut  (Årlig kontingent)ukiumut ilaasortaanermut 2.500,00 koruunit akilerneqartassasut. Taakku aningaasat akiliutaasut APV-mut periutsip siunissami ineriartortinneqarnissaanut atorneqarneranullu toqqaannartumik akiliutaasussaapput.

KNAPK attavigineqassaaq, taassumalu kingorna taassuma isissutissaq ilisarnaallu angallatip naalagaanut nassiutissavai, imaluunniit Karsten Klausen Kalaallit Nunaanni Sulisitsisut Peqatigiiffiarneersoq (GA)attavigisinnaavat. Periutsimi APV-mi elektroniskiusumi nutaami APV ajornannginnerungaartumik suliarineqarsinnaalerpoq. Tassami pissutsinik allaaserinninnerit ingerlaavartumik qarasaasiamut allattorneqassapput, taamaalilluni taassuma kingorna allattariaqaratik immiussorneqartariaqaratillu.

Angallatip aalisariaasia malillugu APV-imi immersugassaq pilersarpoq, taannalu angallatip naalagaata inuttallu aallaavigissavaat.

Assersuutigalugu qalorsuarsorluni aalisartoqarpat suliassat pillugit apeqqutit tassunga tunngasut arlallit apeqqutigineqartarput, tassanilu angallammi ulorianarsinnaasut oqallisigineqassapput. suliassami ajutoorfiusinnaasoqarpa, annikitsumik annertuumilluunniit ajutoorfiusinnaasunik. Akissutit apeqqutaallutik suut mianersuunneqarnissaannik uppernarsaammi periutsimiittumi inuttat allaaserinneqqissapput.

Uppernarsaat tamarmi misissorneqareerpat, sillimaniarnermullu sulianillu ingerlatsinermut tunngatillugu suliassat ataasiakkaat allaaserineqassapput, taamaalillutik ajutoorfiusinnaasunik nalilersuinerit tamarmik naqiterneqarsinnaallutik angallammiititussanngorlugillu ringbindiniitillugit.

Periuseq RVM

PISSUTSIT PILLUGIT PAASISSUTISSAQ:

Periuseq RVM qarasaasiami programiuvoq KNAPK-p GA-llu Kalaallit Nunaanni ilaasortaminnut atugassanngortitaat, tassanilu suliffeqarfimmik nalilersuineq suliarisinnaavaat aammalu angallammi nakorsaasiviup atorunnaarnissaa atuinerlu aqussinnaallugit.

Isissutissat KNAPK-mut imaluunniit GA-mut mailikkut oqarasuaatikkulluunniit piniarsinnaavat. 

Imaluunniit inniminniinermi immersugassaq nittartakkamiittoq atorneqarsinnaavoq.


Ilisimatitsissutigissavatit: 
- Misissuinermi normu/GR-normu
- Angallatip aqqa
- Aalisariaaseq
- Nakorsaasiviup suunera
- Piginnittoq/aalisartitsisoq
- E-mailimi adresse
- Isissutissatut kissaatigisaq
Taassuma kingorna isissutissaq ilisarnaallu ilinnut nassiutissavagut.


Nittartakkami innersuussut atorlugu periutsimut RVM-imut isereeruit periutsip qanoq atorneqarnissaanik ilitsersuutit takusinnaavatit.

Tassunga taarsiullugu attaveqarfigisinnaavatsigut, taava illit immaqalu inuttat periutsip qanoq atorneqarnissaanik ilitsersuutissavatsigit.