KL
DA
EN

Arbejdsrisikovurdering APV pillugu paasissutissiineq

Ulloq 7. juni 2011 Ålborgimi aalisariutit raajarniutit naalagaat piginnittuilu ristit pillugit pik-korissarnerat iluatsillugu Fiskeriet Arbejdsmiljørådemiit Siunnersuisarfimmiillu aaqqissuunne-qartumik APV pillugu akunnerup pingajua avillugu Fiskeriet Arbejdsmiljørådimiit paasissutis-siisoqarpoq.

Tamanna tunngaveqarpoq Umiarsuarnik Nakkutilliisoqarfiup (Søfartsstyrelsen) nalunaarutaa ”Teknisk forskrift om arbejdsmiljø i skibe meddelelses A” tunngavigalugu aamma inatsisitigut piumasaqaataalermat kalaallit aalisariutaat tamarmik  APV-mut suliffimmik isumannaallisaaner-mut qarasaasiakkut immersuisalernissaat.

Aalisariutit raajarniutit naalagaat piginnittuilu KNAPK-mut GA-mullu attuumassuteqartut pik-korissartitsinermut peqataasut  Siunnersuisarfimmi aqutsisumit Ludvig Hansenimit APV pillugu qanoq suleqatigiittoqarnersoq naatsumik nassuiaasoqareermat Fiskeriet Arbejdsmiljørådimiit sukumiisumik APV-mut siunnersortimit Karsten Korsgaardimit APV pillugu peqataasut nas-suiaaffigineqarput.

Kalaallit Nunaanni aalisariutit APV-mik atuilernissaat pillugu isumaqatigiissuteqarlutik suleqatigiit tassaapput Fiskeriet Arbejdsmiljøråd – GA Sulisitsisut – KNAPK-mi Siunnersuisarfik.

APV pillugu suleqatigiinniit suliat maanna ingerlanneqartut tassaapput APV pillugu Fiskeriet Arbejdsmiljørådep nittartagaatigut www.f-a.dk aalisariutaatillit immersuisalernissaannut pa-asissutissanik kalaallisuunngortitsineq.

  • Kalaallit Nunaanni aalisariaatsit assigiinngitsut tunngavigalugit  kalaallit  aalisartuinut  na-leqqussakkamik immersugassat suliarineqassapput.
  • APV-mut immersuisarnissaq Siunnersuisarfimmi sinerissami angalaneq iluatsillugu paasi-titsiniaasoqartassaaq.
  • Aalisariutaatilik / angallatip naalagaa Siunnersuisarfik  suleqatigalugu APV-mut immersu-isinnaalernissaa anguneqassaaq.
  • APV-mik atuinissamik pikkorissaasarnissaq aaqqissuunneqassaaq.

APV pillugu aalisariutaatillit immersuinissaat kingusinnerusukkut pissasoq isumaqatigiissutigi-neqarpoq tassa immersugassat kalaallisuut APV-mut tunngasut piareeriarpata, tamanna pillugu Umiarsuarnik Nakkutilliisoqarfik (Søfartsstyrelsen) nalunaarfigineqarpoq.

Allattoq: Ludvig Hansen

Periuseq RVM

PISSUTSIT PILLUGIT PAASISSUTISSAQ:

Periuseq RVM qarasaasiami programiuvoq KNAPK-p GA-llu Kalaallit Nunaanni ilaasortaminnut atugassanngortitaat, tassanilu suliffeqarfimmik nalilersuineq suliarisinnaavaat aammalu angallammi nakorsaasiviup atorunnaarnissaa atuinerlu aqussinnaallugit.

Isissutissat KNAPK-mut imaluunniit GA-mut mailikkut oqarasuaatikkulluunniit piniarsinnaavat. 

Imaluunniit inniminniinermi immersugassaq nittartakkamiittoq atorneqarsinnaavoq.


Ilisimatitsissutigissavatit: 
- Misissuinermi normu/GR-normu
- Angallatip aqqa
- Aalisariaaseq
- Nakorsaasiviup suunera
- Piginnittoq/aalisartitsisoq
- E-mailimi adresse
- Isissutissatut kissaatigisaq
Taassuma kingorna isissutissaq ilisarnaallu ilinnut nassiutissavagut.


Nittartakkami innersuussut atorlugu periutsimut RVM-imut isereeruit periutsip qanoq atorneqarnissaanik ilitsersuutit takusinnaavatit.

Tassunga taarsiullugu attaveqarfigisinnaavatsigut, taava illit immaqalu inuttat periutsip qanoq atorneqarnissaanik ilitsersuutissavatsigit.